Změna strukturow w Sakskej
Moderne regiony za ludźi wšěch generacijow w Sakskej.
Sakska ma ze Srjedźoněmskim rewěrom w zapadźe a Łužiskim rewěrom we wuchodźe podźěl na dwěmaj wot třoch brunicowych rewěrow Němskeje. Z tym je wona zwjazkowy kraj, kotryž sćěhi dočasneho skónčenja wudobywanja a zmilinjowanja brunicy w Němskej najbóle začuwa.
Regiony z perspektiwami
Wuwiwanje strukturow w potrjechenych regionach je přewšo wažny a zdobom kompleksny nadawk. Wužadanje tči w tym, sakske dźěle Łužiskeho a Srjedźoněmskeho regiona wuwiwać za čas po wudobywanju a zmilinjowanju brunicy, zo byštej byłoj regionaj z modernymi dźěłowymi městnami a wulkej žiwjenskej kwalitu. Z tym so wuměnjenja tworja za inwesticije, kotrež jimaj do přichoda stabilny a wulki podźěl na wotběhach tworjenja hódnotow zaručeja.
Wot spočatka sem zhromadnje.
Sakska agentura za wuwiwanje strukturow (SAS) bu jako stoprocentna dźowka Swobodneho stata Sakskeje a Sakskeje natwarneje banki – spěchowanskeje banki – SAB w nowembru 2019 załožena. Za nju zamołwite je Sakske statne ministerstwo za regionalne wuwiće (SMR). Jeje nadawk je, kóžde lěto přewjesć procedury za wuběr projektow, kotrež zwoprawdźenju zakonja wo inwesticijach za brunicowe regiony słuža a ma ludźi, kotřiž projekty za wuwiwanje strukturow we woběmaj brunicowymaj rewěromaj iniciěruja, podpěrować, jich poradźować a puće k spěchowanskim srědkam pokazać, ideje zběrać a impulsy dawać. A regionalnych akterow přewodźa započejo wot ideje přez planowanje hač do zwoprawdźenja. SAS skutkuje po kodeksu Public Corporate Governance Swobodneho stata Sakskeje, kotryž wobsahuje zawjazki, doporučenja a nastorki za organy wobdźělacych so předewzaćow.
Regiony dyrbja być městna z wulkej žiwjenskej kwalitu, chcemy-li fachowcow zdobyć, kotřiž tu wostanu.
Jörg Mühlberg
jednaćel Sakskeje agentury
za wuwiwanje strukturow
Přewodźamy proces změny strukturow, kotryž je so ze zakónčenjom brunicownistwa w sakskimaj hórnistwowymaj regionomaj ze zakonjom wo inwesticijach za brunicowe regiony (InvKG) Zwjazka 2020 zahajił. Naš hłowny nadawk při tym je, zo nošerjow projektow podpěrujemy, kotřiž so wo srědki po kapitlu 1 tutoho zakonja prócuja, potajkim za wosebje wuznamne inwesticije k zmištrowanju změny strukturow a za zaručenje dźěłowych městnow po kóncu brunicownistwa. Poradźujo a puće k spěchowanskim srědkam pokazujo, ideje zběrajo a impulsy dawajo, podpěrujemy – ze Sakskim statnym ministerstwom za regionalne wuwiće, Sakskej natwarnej banku a mnohimi regionalnymi akterami wusko kooperujo – inwesticije wot ideje přez planowanje a zwoprawdźowanje projektow hač do kónca.
Naše teamy w Běłej Wodźe, Bornje, Lipsku a Drježdźanach su Waš direktny partner.
Moderny regiony za přichodne
a tuchwiluše generacije.
Spěchowanje za sakske brunicowe rewěry
Přewodźamy projekty wot ideje hač do zwoprawdźenja.
Sakski kabinet je dnja 27. apryla 2021 „Spěchowansku směrnicu za srědki po zakonju wo inwesticijach za brunicowe regiony“ wobzamknył. Směrnica rjaduje proceduru, po kotrejž so inwestiwne projekty za změnu strukturow we woběmaj sakskimaj brunicowymaj rewěromaj wupytaja a podpěraja. Wo srědki prosyć móža komuny a jich zawody, nimo toho tež zjawni a priwatni nošerjo, słuža-li jich projekty spjelnjenju zjawnych nadawkow, kotrež maja so ze srědkow zakonja wo sylnjenju strukturow za brunicowe regiony podpěrować.
Podpěra nošerjam projektow
Sakska agentura za wuwiwanje strukturow (SAS) podpěruje nošerjow projektow w rewěrach při wudźěłanju a kwalifikowanju jich projektow. Po wuradźowanju dźěłoweje skupiny, kotraž wobsteji ze zastupjerjow wjacorych ministerstwow, rozsudźa regionalne přewodźace wuběrki na zakładźe wuslědkow scoringa, kotre projekty spěchowanje dóstanu. Za nje móža nošerjo potom pola Sakskeje natwarneje banki (SAB) wo spěchowanske srědki prosyć. SAS iniciatorow nastupajo puće k spěchowanskim srědkam a programy poradźuje. A pomha jim, swoje projekty wuwiwać – wot spěchowanskeje próstwy hač do zwoprawdźenja.
Wuwiwać. Wot spočatka sem zhromadnje.
