Srjedźoněmski rewěr

Region z přichodom w srjedźišću Němskeje

W Srjedźoněmskim rewěrje, hórnistwowym regionje na juhu Saksko-Anhaltskeje a sewjerozapadźe Sakskeje, hižo dlěje hač 150 lět brunicu wudobywaja. W najlěpšich časach je ca. 55.000 ludźi w tutej branši dźěłało.

Dźensa južnje Lipska hišće dwě brunicowej jamje dźěłatej: Vereinigtes Schlehenhain a Profen. Milinarni Lippendorf a Schkopau produkujetej milinu a ćopłotu za cyły region. Skónčenje brunicownistwa je za regionalne hospodarstwo a za města a gmejny wulke wužadanje.

150 lět

so w Srjedźoněmskim rewěrje brunica wudobywa

Sławny metropolny region so přeměnja a rozrostuje

Jara urbanizowany region wokoło wulkoměstow Lipska a Halle z ca. dwěmaj milionomaj wobydlerjow słuša do najwažnišich industrijnišćow Němskeje. Nimo energijoweho hospodarstwa su dźensa awtomobilna industrija, chemiska industrija, strowotne a IT-hospodarstwo, logistika, ale tež žiwidłownistwo a turizm sylne a strukturu postajowace hałzy hospodarstwa. Tež hospodarstwo wobtokow, industrielne a rjemjeslniske škleńčerstwo kaž tež produkowanje a zasadźenje zeleneje energije nabywaja přiběrajcy wuznama.
Nimo mnohich inowatiwnych małych a srjedźnostawskich předewzaćow su so tu tež wulke mjezynarodne předewzaća kaž Porsche a BMW, Dow Chemical, Bayer, Beiersdorf, DHL a Amazon zasydlili. Na tónle trend chcemy nawjazać.

Nowe krajiny a nowe móžnosće

Slědy wudobywanja brunicy w krajinje přewidźeć njemóžeš. W mnohich z kopicy jamow su přestali brunicu dobywać, štož bě za hospodarstwo wulka cezura. Je pak tež wužadanje a šansa, po zakónčenju brunicownistwa nowu krajinu stworić, w kotrejž je za čłowjeka a za přirodu derje.
Lipšćanska Nowa jězorina, kotraž je z jamow nastała, a město Lipsk wuwiwatej so hižo lěta jako sydlenski rum z wulkej žiwjenskej kwalitu a jako atraktiwny region za turizm a wólny čas, přićahowacy ludźi tež zdaloka.

Płoniny, kotrež běchu něhdy jamy abo kotrež je brunicownistwo wužiwało, su pak tež wažne potenciale za hinaše hospodarske wužiwanje a za přetworjenje energijoweho hospodarstwa w směrje klimje nješkodźaceho dobywanja energije.

Wosebita podpěra za wuwiwanje strukturow w regionje

W srjedźoněmskim rewěrje steja wokrjesomaj Sewjerna Sakska a Lipsk z jich 60 městami a gmejnami kaž tež wulkoměstu Lipskej wobšěrne spěchowanske srědki k dispoziciji. Skićeja wulku šansu, změnu strukturow podpěrować a přidatne impulsy za wuwiwanje hospodarstwa w regionje dawać.

Na bazy inwesticiskeho zakonja za wuhlowe regiony maja so projekty komunow a kraja hač do 2038 z 1,1 miliardu eurami spěchować, a dalšej 2,1 miliardźe eurow matej so jako projekty Zwjazka inwestować.

Komunalne projekty – zhromadny rozsud

W Sakskej zamołwitych w potrjechenych regionach do wuwiwanja strukturow aktiwnje zapřijeja. We wokrjesomaj a měsće Lipsku su tuž zhromadnje ze Sakskim statnym ministerstwom za regionalne wuwiće (SMR) regionalny přewodźacy wuběrk za Srjedźoněmski rewěr wutworili. Wón wuradźuje a rozsudźi, za kotre komunalne projekty so srědki z fondsa za spěchowanje strukturow poskića.

Klucowe wobdźělnicy
w srjedźoněmskim koparskim kraju

Wjele wobdźělnikow dźěła na wuspěšnjej strukturalnej přećiwarje. Strategije a projekty zwjerchuja so na hospodarski rozkwit, tworjenje hódnoty, iniciatiwy za tworjenje identity a wysoku kwalitu života.