Łužiski rewěr

Stawizny brunicy hižo dobrych 200 lět

Łužiski brunicowy rewěr leži w juhowuchodźe Braniborskeje a sewjerowuchodźe Sakskeje. Do njeho słušeja tuchwilu aktiwne brunicowe jamy Wochozy, Rychwałd, Wjelcej-juh a Janšojce. Z jich brunicu zastaruja so milinarnje Janšojce, Čorna Pumpa a Hamor, kotrež dohromady ca. 8.000 MW miliny produkuja.

Něhdźe třećina brunicy Němskeje so we Łužiskim rewěrje wudobywa. W lěće 2018 bě to 60,7 milionow tonow.

18 milionow tonow

brunicy wob lěto

Ein herbstlicher Park mit einem Kraftwerk im Hintergrund.

Eine Luftbildaufnahme von einer Tagebauanlage.

Eine Luftbildaufnahme von einem Kraftwerk.

Aktiwne jamy a milinarnje

Dźensa stej w rewěrje předewšěm južnje Běłeje Wody na sakskej stronje hišće dwě aktiwnej jamje: Wochozy a Rychwałd. We Wochozach wudobywa Łužiska hórnistwowa AG (LEAG) hač do 18 milionow tonow brunicy wob lěto. Z tym je hłowny dodawar milinarni w Hamorje kaž tež briketowni w Čornej Pumpje. W Rychwałdskej jamje su we 1980tych lětach dźěłać započeli a z tutej brunicu jeničce milinarnju w bliskim Hamorje zastarowali.

Łužiska jězorina

Nowe krajiny a nowe móžnosće

Łužisku jězorinu tworja jězory, kotrež su zapławjene něhdyše jamy. Tu nastawa nawjetša kumštna wodźiznata krajina Europy a štwórta najwjetša jězorina Němskeje. Někotre z najwjetšich jězorow su z pławjomnymi kanalemi zwjazane. Turistiske wuwiće hižo něšto lět spochi pokročuje.

Łužiska jězorina z dwěmaj ducentomaj jězorow a pławjomnymi kanalemi pak jenož sportowcam na wodźe a we wodźe tójšto njeposkićuje. Tež na krutej zemi móža aktiwni a za kulturu so zajimowacy dowolnikarjo spektakularnu změnu krajiny a jónkrótne wuměłstwo dožiwjeć. Fascinowace swědki łužiskeje industrijneje kultury wo tym swědča, zo je region přeměny kmany – runja tu bydlacym ludźom.

6,9 miliardow

eurow předwidźane do 2038

Komunalne projekty – zhromadny rozsud

Sakskej je wažne, zo zamołwići z regiona wo wuwiwanju strukturow sobu rozsudźeja – tež we Łužiskim rewěrje. Wokrjesaj Budyšin a Zhorjelc stej tuž zhromadnje ze Sakskim statnym ministerstwom za regionalne wuwiće (SMR) regionalny přewodźacy wuběrk wutworiłoj. Wón poradźuje a rozsudźa wo tym, kotre z namjetowanych komunalnych projektow so na kóncu ze srědkow spěchowanja strukturow spěchuja. Nastupajo projekty, kotrež kraj namjetuje, přewodźacy wuběrk stejišćo wudźěła.

Akterojo we Łužiskim rewěrje

We Łužicy su so mnozy akterojo z politiki, hospodarstwa, kultury a towaršnosće do wšelakich iniciatiwow zjednoćili, zo bychu so ze zhromadnej mocu temam wěnowali. To su ludźo, kotřiž so změnow njestróža, ludźo, kotřiž chcedźa přewšo aktiwnje a z inowatiwnymi idejemi region zhromadnje wuwiwać a jeho přichod tworić.